მარნეულის ბიზნეს ცენტრი

სმაილი მარნეულში

zura22222 — Wed, 31 Oct 2012 06:24:32 GMT

სმაილის მარნეულის ფილიალი ოფიციალურად, საზეიმო ვითარებაში გაიხსნა.

ამ დღესთან დაკავშირებით, დღეიდან, ერთი კვირის განმავლობაში მარნეულის
მოსახლეობას საშუალება ექნება, მაღაზიაში არსებული ყველა პროდუქტი შეიძინოს
საბითუმო ფასში

მაღაზიას შეგიძლიათ ესტუმროთ ყოველდღე 9:00–18:00 საათამდე

მარნეულში ახალი ნათების რიგით 11 მაღაზია გაიხსნა

zura22222 — Wed, 31 Oct 2012 06:19:28 GMT

მარნეულში (რუსთაველის ქ #65ა.) გაიხსნა ახალი ნათების რიგით 11 მაღაზია. რეგიონალური მასშტაბით ეს არის კომპანიის მეხუთე მაღაზია.ბოლო პერიოდში ახალი ნათების მაღაზიებს ძალიან ხშირად სტუმრობდნენ მეზობელი ქვეყნებიდან სასომხეთიდან და აზერბაიჯანიდან, ამიტომ გადაწყდა, რომ მარნეულში მაღაზიის გახსნა წარმატებული იქნებოდა ამ ქვეყნების მოქალაქეების მოთხოვნის დასაკმაყოფილებლად.
ახალი ნათების მარნეულის მაღაზია მოიცავს 200კვმ ფართობს და იქ წარმოდგენილია ახალი ნათების ქსელში არსებული ყველა სახის პროდუქცია, როგორც ინტერიერის ასევე ექსტერიერის, ლანდშაფტის, ურბანული და ინდუსტრიული განათებები. გარდა ამისა მაღაზიაში წარმოდგენილი იქნება 2012 წლის ჭაღების კოლექცია რომელიც სპეციალურად იქნა შეკვეთილი ახალი მაღაზიის დასამშვენებლად.
ახალ მაღაზიაში დასაქმდა მხოლოდ ადგილობრივი კადრები.
ბრენდი ახალი ნათება მარნეულში 20%-იანი ფასდაკლებით შევიდა, რომელიც გაგრძელდება 15 მაისის ჩათვლით.

მარნეულში ორგანული ნარჩენების გადამამუშავებელი თანამედროვე საწარმო გაიხსნა

zura22222 — Wed, 31 Oct 2012 06:09:49 GMT

მარნეულში გარემოს დაცვის მინისტრმა გოგა ხაჩიძემ და ქვემო ქართლის გუბერნატორმა დავით კირკიტაძემ ორგანული ნარჩენების გადამამუშავებელი თანამედროვე საწარმო გახსნეს.
საწარმო და ნაგავსაყრელი ერთ ჰექტარ მიწის ფართობზეა განთავსებული, სადაც საყოფაცხოვრებო ნარჩენებისგან ორგანულ სასუქს, ე.წ. კომპოსტს დაამზადებენ. სასუქს ფერმერები ნიადაგის გასაფხვიერებლად გამოიყენებენ და ის სხვა სასუქზე უფრო ხელმისაწვდომ ფასად გაიყიდება.
„მქონდა საშუალება, რომ მსგავსი მეთოდი მენახა უცხოეთში და ვფიქრობდი, როდის დადგებოდა დრო, რომ ჩვენთანაც ხდებოდეს ორგანული ნარჩების გადამუშავება, გამოიყენებოდეს სასუქად - კომპოსტად. მოხარული ვარ, რომ ძალიან მალე ერთ-ერთი ასეთი საწარმოს გახსნაზე ვართ. ეს არის ინდიკატორი იმისა, რომ ქვეყანა ხდება უფრო ცივილიზებული და გარემოსდაცვითი. ეკოლოგიურად სუფთა სასუქით ნიადაგის გამდიდრება მხოლოდ სამ წელიწადში ერთხელ იქნება საჭირო, მაშინ როდესაც სხვა მინერალური სასუქების გამოყენება ყოველწლიურად აუცილებელია," - განაცხადა გოგა ხაჩიძემ.
ახალი საწარმო გერმანიის ქალაქ ვიცენჰაუზენში არსებული საწარმოს ანალოგია. მისი მუშაობის ტექნოლოგიას ქართველი სპეციალისტები გერმანიაში ყოფნისას გაეცნენ.
„ორგანული ნარჩენი აბინძურებდა ჩვენს ბუნებას და მიწისქვეშა წყლებს. დღეიდან მას გამოვიყენებთ, რომ მივიღოთ ბიო-სასუქი, რომელიც დაეხმარება ჩვენს ფერმერებს, მიიღონ ბიოლოგიურად სუფთა მოსავალი," - აღნიშნა დავით კირკიტაძემ.
საწარმოს მშენებლობა გასული წლის თებერვალში დაიწყო. ქართულ მხარეს სპეციალისტების გადამზადებაში გერმანელი ექსპერტები დაეხმარნენ.

ქარხანა აშენდა ევროკომისიის ფინანსური მხარდაჭერით მიმდინარე პროექტის ფარგლებში -„ნარჩენების მართვა ევროპის სამეზობლო და პარტნიორობის ინსტრუმენტის (ENPI) აღმოსავლეთ ქვეყნებში".

My Great Web page

წყლის მექანიკური სკუტერი

zura22222 — Sun, 02 Oct 2011 18:04:52 GMT

საიტის პოპულარიზაციის მიზნით გთხოვთ გაუზიაროთ მეგობრებს

კარგი იდეაა მსგავსი სკუტერების გაქირავება ზღვის სანაპიროებზე...

მარნეულში მაკარონს აწარმოებენ

zura22222 — Thu, 15 Sep 2011 11:30:17 GMT

მარნეულში მაკარონის ქარხანა გაიხსნა. ქართული კომპანია თურქული და უკრაინული წარმოების მაკარონის პროდუქციის ჩანაცვლებას გეგმავს. კომპანია ,,პასტა პროდაქშენის" პირველი პროდუქცია უკვე გამოშვებულია და მსხვილი პარტიების სახით იყიდება.

ქართულ მაკარონს აქვს შესაძლებლობა ბაზარზე არსებულ თურქულ და უკრაინულ პროდუქციას სერიოზული კონკურენცია გაუწიოს და მათი ჩანაცვლება მოახდინოს. საწარმოში ევროპული ტექნოლოგიებია დამონტაჟებული და ამჟამად დაფასოებული სახით რამდენიმე სახეობის პროდუქციის გამოშვებაზე მუშაობენ.

საწარმოში ჩადებული ინვესტიციის მოცულობა არ ხმაურდება.

დეკორატიული წყალსაცავი საკუთარი ხელით

zura22222 — Fri, 01 Jul 2011 07:08:45 GMT

საიტის პოპულარიზაციის მიზნით გთხოვთ გაუზიაროთ მეგობრებს

ძალიან მაგარი ვიდეოა. გირჩევთ ბოლომდე უყუროთ

მოწვევა ბიზნეს გეგმის კონკურსში

zura22222 — Thu, 30 Jun 2011 17:16:19 GMT

"INGB" მოხარულია მოიწვიოს დაინტერესებული მხარეები და სამეწარმეო პოტენციალის მქონე პირები ბიზნეს გეგმების კონკურსში. კონკურსი საშუალებას მოგცემთ, რომ გაგვიზიაროთ თქვენი ბიზნეს იდეა და მიიღოთ დაფინანსება იდეის განსახორციელებლად.

ბიზნეს იდეა უნდა იყოს შემდეგი სახის:

** კარგად სტრუქტურიზებული, სწორად განსაზღვრული და კონცენტრირებული კონკრეტულ საქმიანობაზე.
** უნდა არსებობდეს ხილული ბიზნეს მოდელი ანუ გზა რომელიც იდეას ფულის მიღების წყაროდ აქცევს.
** იდეის წარმომდგენს ან/და საინიციატივო ჯგუფს ძალიან კარგად უნდა ესმოდეს ბიზნესის სფერო, რომელსაც უკავშირდება იდეა და სასურველია რომ ჰქონდეს ამ სფეროსთან მუშაობის გამოცდილება.

იდეის წარმომდგენი უნდა იყოს:

** ნებისმიერი ასაკის, ეროვნებისა და აღმსარებლობის
** პასუხისმგებლიანი
** წარმოდგენილი იდეის შესაბამისი კვალიფიკაციის მქონე
** ძლიერი გაყიდვების უნარის მქონე
** შეპირებულის შემსრულებელი
** თვითმოტივატორი და გუნდის მოტივატორი
** სამეწარმეო უნარის მქონე
** არ უნდა კმაყოფილდებოდეს მიღწეულით
** სტრესგამძლე
** კარგი აღრიცხვის და დოკუმენტებთან მუშაობის უნარის მქონე
** უნდა შეეძლოს საკუთარ საქმეზე და დაშვებულ შეცდომებზე პასუხისმგებლობის აღება
** შესასრულებელი ამოცანების და მიზნების პრიორიტეტიზაციის და მართვის უნარი.

როგორი უნდა იყოს ბიზნეს გეგმა:

** უნდა იყოს ინგლისურად ან ქართულად.
** პროექტის (იდეის) მოკლე აღწერა (არაუმეტეს 1 გვერდისა).
** იდეის სრული აღწერა სადაც ხაზგასმული იქნება მნიშვნელოვანი ფაქტორები და გარემოებები, რამაც შეიძლება ეს იდეა წარმატებულ ბიზნეს პროექტად აქციოს.
** იდეასთან და ბიზნესთან დაკავშირებული კვლევის შედეგები, სადაც აღწერილი იქნება ის თუ ვინ გამოიკვლიეთ, რამდენი ადამიანი (ან ორგანიზაცია გამოიკითხა), რა კრიტერიუმის მიხედვით შეირჩა გამოსაკითხი ინდივიდუალები და რა შედეგები აჩვენა კვლევამ და რომ თვლით რომ მიღებული შედეგები მეტყველებს პროექტის სასარგებლოდ.
** ბიზნესის მოდელის აღწერა, სადაც უნდა განისაზღვროს შემოსავლის მიღების კონკრეტული გზები; მოდელი უნდა აღწერდეს იმას, თუ რატომ იქნება კონკრეტული პროდუქტი მომხმარებლისათვის მისაღები და საინტერესო, და რატომ გადაიხდის ის ამ პროდუქტში ფულს.
** მარკეტინგული გეგმა - სადაც განსაზღვრული იქნება ის თუ როგორც მოხდება პროდუქტი ბაზარზე, რა სტრატეგიული ნაბიჯების გადადგმა მოგვიწევს პროდუქტის ბაზარზე მოსახვედრად და ვინ იქნება პროდუქტის (ან მომსახურების) პირველი მომხმარებელი.
** გაყიდვების გეგმა - სადაც განსაზღვრული იქნება ის თუ როგორ გავყიდით მეტს, მეტზე უფრო მეტად და უფრო ეფექტურად.
** კაპიტალური დანახარჯების გეგმა - განსაზღვრეთ იდეის ფარგლებში რა და რა ტიპის კაპიტალური დანახარჯების გაწევა დაგჭირდებათ და თუ იქნება ისეთი ძირითადი საშუალებები რასაც მენეჯმენტ ჯგუფი მოიტანს პროექტის დაფინანსების შემთხვევაში.
** ლოგისტიკური გეგმა - რაც შეიძლება დეტალურად
** ფინანსური გაგმა - რაც შეიძლება დეტალურად
** პროექტის რისკების და საფრთხეების შეფასება
** ბიზნეს გეგმის ბოლოს დართული უნდა იყოს წარმომდგენის ან საინიციატივი გჯუფის წევრების მოკლე რეზუმეები და თითოეულის 100 სიტყვამდე მემო, სადაც აღწერილი იქნება თუ სად, როგორ, რატომ და რა დატვირთვით ხედავენ თავს ამ პროექტში.

ფინანსური მოთხოვნები:

წარმოდგენილი ბიზნეს გეგმის მთლიანი ბიუჯეტი არ უნდა იყოს 20 000 ლარზე მეტი ან/და მენეჯმენტ ჯგუფს უნდა ჰქონდეს პრაქტიკული გეგმა, თუ სად შეძლებენ დამატებითი რესურსის მოპოვებას (საბანკო კრედიტი არ ჩაითვლება დაფინანსების ალტერნატიულ წყაროდ).

პროექტის მფლობელობა დაფინანსების შემთხვევაში:

** ახლად დაარსებული კომპანია იქნება 100%-ით "INGB"-ს საკუთრებაში.
** მმართველი გუნდი ყოველი წარმატებული მენეჯმენტის წლის შემდეგ მიიღებს 10%-ს, ხოლო ყოველი მომდევნო წარმატებული მენეჯმენტის წლისათვის დამატებით 10%-ს (3 წლის განმავლობაში).
** საერთო ჯამში მენეჯმენტისათვის გადაცემული წილის მოცულობა არ აღემატება 30%-ს.
** მენეჯმენტ ჯგუფის დათხოვნის შემთხვევაში ჯგუფი ვერ მიიღებს მიმდინარე წლის წილობრივ მფლობელობას კომპანიაში.
** იმ შემთხვევაში, თუ მენეჯმენტ გუნდი შეძლებს რომ სამი წლის განმავლობაში წარმატებით მართოს კომპანია, ის დამატებით მიიღებს უფლებას, რომ შეიძინოს კომპანიის წილის დამატებითი 15% და გახდეს ჯამში 45%-ის მფლობელი.
** იმ შემთხვევაში, თუ კომპანიაში მოხდა დამატებითი კაპიტალის შედინება მესამე პირების მიერ, მენეჯმენტისათვის უფასოდ გადაცემული წილის ოდენობა აითვლება პირველადი კაპიტალის ოდენობიდან.

რითი დაგეხმარებათ "INGB":

** ოფისით
** საკონფერენციო ოთახით
** ტექნიკური მოწყობილობებით
** 3 ლეპტოპ კომპიუტერით
** ინტერნეტით (wi-fi)
** ტელეფონით
** ვებსაიტის ჰოსტინგით და მეილ სერვერით
** ვებსაიტის დასახელებით
** ვებსაიტის განვითარებით
** ბუღალტერია, იურიდიული და ადმინისტრაციული მომსახურებით.

განაცხადების წარმოდგენის ვადა და სხვა საჭირო ინფორმაცია:

** ბიზნეს გეგმის წარმოდგენის ბოლო ვადაა: 30 ივლისი, 2011 წ.
** ბიზნეს გეგმა მენეჯმენტ გუნდის წევრების რეზუმეებთან ერთად უნდა იყოს "აკრობატის" ან "ვორდის" ფორმატში.
** ფინანსური, გაყიდვების, კვლევის და სხვა მონაცემები უნდა იყოს წარმოდგენილი "ექსელის" ფორმატში.
** მოწოდებული ბიზნეს გეგმის სიდიდე და მოცულობა არაა შეზღუდული, თუმცა უნდა დარწმუნდეთ, რომ საბოლოო ვერსიაში არ გამოგრჩათ მნიშვნელოვანი ფაქტორი და ბიზნესის სფეროსთვის მახასიათებელი სპეციფიკაცია. ამავდროულად მოერიდეთ ბიზნეს გეგმაში ზოგადი მაკრო-ეკონომიკური მაჩვენებლების განხილვას და მხატვრული ლიტერატურის ციტირებას.
** ნაშრომის საბოლოო ვერსია უნდა მოგვაწოდოთ ელ-ფოსტის მეშვეობით: info@ingb.ge

იმისათვის, რომ დანიშნოთ საკონსულტაციო შეხვედრა "INGB"-ში, გთხოვთ დარეკოთ ნომერზე +995 322 997499 (სატელეფონო კონსულტაციების გაწევა არ მოხდება).

ლამინირებული იატაკის დაგება საკუთარი ხელით

zura22222 — Fri, 24 Jun 2011 06:19:37 GMT

გასაგრილებელი წყლის ღრუბელი

zura22222 — Fri, 10 Jun 2011 17:47:34 GMT

საიტის პოპულარიზაციის მიზნით გთხოვთ გაუზიაროთ მეგობრებს

ეს იდეა და ტექნოლოგია გამოადგებათ მათ ვისაც საზაფხულო ბარები აქვს მოწყობილი და მწველ სიცხეს ვერაფრით ვერ უმკლავდებიან...

მთლიანი მოწყობილობის ყიდვა საკმაოდ ძვირია და თან არა ადვილად ხელმისაწვდომი, თუმცა ოდნავი დაკვირვებითაც ჩანს რომ ტექნოლოგია ძალზედ მარტივია და საკუთარი ხელითაც შეიძლება მსგავსი მოწყობილობის დამზადება

ალბათ ყველას გეცნოთ, რომ ეს მოწყობილობა ავტომობილების გასარეცხ ავტომატს გავს. და უფრო ზუსტი ვიქნები თუ კი ვიტყვი, რომ მანქანის სარეცხი დანადგარს უგრძელებენ რეზინის მილს, და რეზინის მილზე ადგილ ადგილ ამაგრებენ ძუძუკას(სოპლო), რომელიც წყალს აეროზოლურ მდგომარეობაში აფრქვევს

რაც საბოლოო ჯამში აგრილებს გარემოს

სოკოს მოყვანა

zura22222 — Sun, 05 Jun 2011 15:12:33 GMT