2010 წლის 29 ივლისს, საქართველოში აზერბაიჯანის რესპუბლიკის სახელმწიფო ნავთობკომპანიის წარმომადგენლობამ მარნეულში ე.წ. "ჩაის სახლის" შენობა (505 კვ.მ.-ის ფართი) შეიძინა. შენობაში საქართველოში მცხოვრები ახალგაზრდა აზერბაიჯანელებისთვის გაიხსნება ცენტრი, სადაც იმოქმედებს ჭადრაკის წრე, აზერბაიჯანული და ქართული ენების შემსწავლელი კურსები და სხვ. გარდა ამისა აღნიშნული შენობის რეკონსტრუქცია ხელს შეუწყობს აზერბაიჯანელი ხალხის "ჩაის სმის" ტრადიციის აღორძინებას. აღმოსავლეთის ხალხს ასეთი თქმულება აქვს - "ჩაიხანა თუ გესიზმრა - დიდი სიხარული გეწვევა". ჩაიხანა ურთიერთობას გავს - ჩამოჯექი, დაისვენე, ისაუბრე. ასეთი ანდაზაც არის - "ჩაი რამდენიც არ უნდა დალიო, თავს არ დაგაკარგინებს". ჩაი მხოლოდ ნათელი აზრების გაჩენას უწყობს ხელს. ჩაიხანაში არ კამათობენ, იქ ჭეშმარიტებას ეძიებენ, რადგან ჩაი "მეგობრული სასმელია". ნებისმიერ აზერბაიჯანულ ოჯახში სტუმარს პირველ რიგში ჩაის შეთავაზებენ. სუფრა იწყება და მთავრდება ჩაით. ეს რიტუალი მხარეებს საშუალებას აძლევს შეინარჩუნონ სახე და ურთიერთობები.
მთავარი 
